އަމީނިއްޔާ ސްކޫލްގެ ގާރލް ގައިޑުން ކުރިއަށްގެންދާ ގަސް އިންދުމުގެ ހަރަކާތަށް 350 ގަސް ހަދިޔާކޮށްފި

އަމީނިއްޔާ ސްކޫލްގެ ގާރލް ގައިޑުން ކުރިއަށްގެންދާ ގަސް އިންދުމުގެ ހަރަކާތަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްނަންގަވައިގެން ފެއްޓެވި "5 މިލިއަން ގަސް އިންދުމުގެ މަޝްރޫޢު" ގެ ފަރާތުން 350 ގަސް ހަދިޔާކޮށްފިއެވެ. މި ގަސްތައް ހަދިޔާކުރެވިފައިވަނީ ރާއްޖެ ފެހިކުރުމުގެ މަސައްކަތުގައި ގާރލް ގައިޑުންގެ ބައިވެރިވުން އިތުރުކުރުމުގެ ގޮތުންނެވެ.

އަމީނިއްޔާ ސްކޫލްގެ ރަސްމީ ފޭސްބުކް ޕޭޖްގައި ހާމަކޮށްފައިވާ ގޮތުން، ގާރލް ގައިޑުން ކުރިއަށްގެންދާ މި ގަސް އިންދުމުގެ ހަރަކާތަށް ގަސް ހޯއްދަވައި ދެއްވި ކަމަށްޓަކައި މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީއަށް ވަނީ ނުހަނު އިޚްލާޞްތެރިކަމާއެކު ޝުކުރު ދަންނަވާފައެވެ.

އެ ޕޯސްޓްގައި އިތުރަށް ފާހަގަކޮށްފައިވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްނަންގަވައިގެން ފެއްޓެވި 5 މިލިއަން ގަސް އިންދުމުގެ މަޝްރޫޢަށް ފުރިހަމަ އެއްބާރުލުން ދިނުމަށާއި، ފެހިކަން ގަދަ ރާއްޖެއެއް ބިނާކުރުމަށް ކުރެވޭ މަސައްކަތުގައި ބައިވެރިވުމަށް ގާރލް ގައިޑުން ތިބީ ނުހަނު ބޮޑު އިސްކަމެއް ދީގެން ކަމުގައެވެ.

ރައީސުލްޖުމްހޫރިއްޔާގެ މި ތާރީޙީ ވައުދުފުޅު ފުއްދެވުމަށްޓަކައި ރާއްޖޭގެ އެކި ކަންކޮޅު ތަކުގައި މިހާތަނަށް ވަނީ 2.4 މިލިއަނަށް ވުރެ ގިނަ ގަސް އިންދިފައެވެ.