އދ. ގެ އެސްކެޕް ކޮމިޓީ އޮން އެންވަޔަރަންމަންޓްގެ ރިޔާސަތު ދިވެހިރާއްޖެއިން ބަލަހައްޓައިފި؛ ބައްދަލުވުމުގެ ޗެއަރއަކަށް މިނިސްޓަރު ޢަލީ ޝަރީފް
ބެންކޮކްގައި ރަސްމީކޮށް ހުޅުވުނު އދ. ގެ އެސްކެޕް ކޮމިޓީ އޮން އެންވަޔަރަންމަންޓް އެންޑް ޑިވެލޮޕްމަންޓްގެ 9 ވަނަ ބައްދަލުވުމުގައި ދިވެހިރާއްޖެއިން އިސް ދައުރެއް އަދާކޮށްފިއެވެ. މި މަތީ ފަންތީގެ ފޯރަމްގެ ރިޔާސަތު ބަލަހައްޓަވާފައިވަނީ މިނިސްޓަރ ޢަލީ ޝަރީފެވެ.
މި ކޮމިޓީއަކީ އޭޝިއާ ސަރަހައްދުގެ ތިމާވެއްޓާއި ތަރައްގީއާއި ގުޅޭގޮތުން ގައުމުތަކުގެ ސަރުކާރާއި މިނިސްޓަރުން ބައްދަލުވެ މަޝްވަރާކުރައްވާ މައިގަނޑު އެއް ފޯރަމެކެވެ. މި ބައްދަލުވުމަކީ ދުނިޔޭގައި ދިމާވާ ހޫނުގަދަވުމާއި، ވައިގެ ނުސާފުކަން ބޮޑުވުމާއި، ދިރޭތަކެތީގެ ނަސްލަށް ނޭދެވޭ އަސަރުކުރުމާއި، މޫސުމަށް އަންނަ ބަދަލުތަކުގެ ސަބަބުން ލިބޭ ގެއްލުން ތަކާއި އަދިވެސް އެހެނިހެން ތިމާވެއްޓާއި ތަރައްގީއާއި ގުޅޭގޮތުން ބައްދަލުކޮށް މަޝްވަރާކުރެވިގެންދާ ބައްދަލުވުމެކެވެ.
މިއަހަރު މި ބޭއްވިގެންދާ 9 ވަނަ ބައްދަލުވުމުގައި ހިމެނޭ މައިގަނޑު މައުލޫތަކަކީ:
- ތިމާވެއްޓާއި ތަރައްގީގެ ގޮތުން ސަރަހައްދީ ގުޅުން އޮތް ހިސާބު ސްޓޯކްޓޭކް ކުރުން.
- ސާފު ވައިގެ ދާއިރާގައި ކުރެވޭ ކަންތައްތައް ބެލުން.
- މޫސުމަށް އަންނަ ބަދަލުތަކާއި ދެކޮޅަށް ސާފު ފެން މެނޭޖްކުރުމުގެ ވިލުންތެރިކަން އިތުރުކުރުން.
- މިނިސްޓީރިއަލް ޑެކެލްރޭޝަނާއި ސަސަޓެނަބަލް ޑިވެލޮޕްމަންޓުގެ ރީޖަނަލް ޕްރޮގްރާމް ފާސް ކުރުން.