ޕްރިޕެއަރިންގ އައުޓަރ އައިލެންޑްސް ފޮރ ސަސްޓެއިނެބަލް އެނާރޖީ ޑިވެލޮޕްމަންޓް (ޕޮއިސްޑް) ޕްރޮޖެކްޓް
އޭޝިއަން ޑިވެލޮޕްމަންޓް ބޭންކް (އޭޑީބީ) އާއި ދިވެހި ސަރުކާރު ގުޅިގެން ރާއްޖޭގެ މީހުން ދިރިއުޅޭ ރަށްރަށުގައި ޤާއިމުކޮށްފައިވާ ކަރަންޓް އުފައްދާ ފޯރުކޮށްދޭ ނިޒާމުތައް އިއާދަކުރަނިވި ހަކަތަ ހިމެނޭ ހައިބްރިޑް ނިޒާމުތަކަކަށް ބަދަލުކުރުމުގެ މަސައްކަތް ދަނީ ކުރަމުންނެވެ. "ޕްރިޕެއަރިންގ އައުޓަރ އައިލެންޑްސް ފޮރ ސަސްޓެއިނަބަލް އެނަރޖީ ޑިވެލޮޕްމަންޓް" (ޕޮއިސްޑް) މަޝްރޫޢުގެ ދަށުން، ހަކަތަ ބެލެހެއްޓުމާއި ކޮންޓްރޯލް ކުރާ ނިޒާމުތަކާއި، ބެޓަރީ ސްޓޯރޭޖް އަދި ކަރަންޓް ވިއުގަތައް އިތުރަށް ހަރުދަނާކޮށް، ކަރަންޓް އުފެއްދުމަށް ޑީސަލް ބޭނުންކުރާ މިންވަރު ވަރަށް ބޮޑަށް މަދުކުރެވޭނެއެވެ.
މި މަސައްކަތުގެ ދަށުން ރާއްޖޭގެ މީހުން ދިރިއުޅޭ 160 ރަށެއްގައި ސޯލާ-ޑީސަލް ހައިބްރިޑް ސިސްޓާމުތައް ޤާއިމުކުރުމަށް ވަނީ ހަމަޖެހިފައެވެ. މި މަޝްރޫޢުގެ މައިގަނޑު ބޭނުމަކީ ރަށްރަށުގައި މިހާރު ހުރި ޚަރަދު ބޮޑު އަދި ތިމާވެއްޓާ ނުގުޅޭ ޑީސަލް އިންޖީނުތަކުގެ ބަދަލުގައި، އިއާދަކުރަނިވި ހަކަތަ ހިމެނޭ ނިޒާމުތައް ބޭނުންކޮށްގެން ކަރަންޓު އުފެއްދުމާއި، ޖައްވަށް ދޫކުރާ ވިހަ ގޭސް މަދުކުރުމުގެ އިތުރުން، ސަރުކާރުގެ ބަޖެޓުން ކަރަންޓް ސަބްސިޑީއަށް ކުރާ ހޭދަ ކުޑަކުރުމެވެ.
މަޤްޞަދުތައް
- އިއާދަކުރަނިވި ހަކަތަ ބޭނުންކުރާ މިންވަރު އިތުރުކުރުން.
- ޑީސަލް ބޭނުންކުރާ މިންވަރު މަދުކުރުން.
- ކަރަންޓް އުފެއްދުމުގެ ނިޒާމަކީ މާލީ ގޮތުންނާއި އިޤްތިޞާދީ ގޮތުން ފައިދާހުރި ނިޒާމަކަށް ހެދުން.
- ކަރަންޓް ސަބްސިޑީއަށް ސަރުކާރުގެ ބަޖެޓުން ކުރާ ހޭދަ ކުޑަކުރުން.
- ޖައްވަށް ދޫކުރާ ކާބަންޑައިއޮކްސައިޑް މަދުކުރުން.
- ތިމާވެއްޓަށް ކުރާ ނޭދެވޭ އަސަރުތައް ކުޑަކުރުން.
- ބިން އެންމެ އެދެވޭ ގޮތެއްގައި ބޭނުންކުރުން (ލޭންޑް-ޔޫސް އޮޕްޓިމައިޒޭޝަން).
- އިއާދަކުރަނިވި ހަކަތައާއި ހަކަތަ އިސްރާފުކުޑަކުރުމާ ބެހޭގޮތުން ހޭލުންތެރިކަން އިތުރުކުރުން.
- މީހުން ދިރިއުޅޭ ރަށްރަށުގެ ކަރަންޓް ވިއުގަތައް ތަރައްޤީކޮށް އިތުރަށް ހަރުދަނާކުރުން.
ނަތީޖާތައް
- ތިމާވެއްޓާ ރައްޓެހި، ސާފު އަދި ޚަރަދު ކުޑަ ހަކަތައިގެ ވަސީލަތްތަކަށް ބަދަލުވުން.
މަޝްރޫޢުގެ ޓީމު
އަޙްމަދު ޢަލީ
މަޝްރޫއުގެ މެނޭޖަރު
އަޙްމަދު މަރުޒޫމް
ފަންނީ މާހިރު
ޑރ. އަޙްމަދު ޝުކުރީ ޙުސައިން
އިޖުތިމާއީ ކަންކަމާބެހޭ މާހިރު
ޠާލޫތު ރަޝީދު
މާލީ ކަންކަމާބެހޭ ގައުމީ މާހިރު
ޑރ. މިޒްނާ މުޙައްމަދު
ތިމާވެށީގެ ރައްކާތެރިކަމާބެހޭ މާހިރު
