20 ރަށެއްގައި ނާސަރީ ގާއިމުކުރުމުގެ އެއްބަސްވުމުގައި ސޮއިކުރަނީ: ފަސް މިލިއަން ގަސް އިންދުމުގެ މަޝްރޫއަށް ބޮޑު ކުރިއެރުމެއް

5 މިލިއަން ގަސް އިންދުމުގެ މަޝްރޫޢުއަކީ 5 އަހަރުން 5 މިލިއަން ގަސް އިންދުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވެވަޑައިގެންނެވި ވަޢުދުފުޅެކެވެ. އަދި މި މަޝްރޫޢު އިފްތިތާޙް ކުރެވިގެންގޮސްފައިވަނީ 2024 ވަނަ އަހަރުގެ ތިމާވެށިދުވަހުއެވެ. މިހާތަނަށް 5.8 މިލިއަނަށް ވުރެ ގިނަ އަހުދު ލިބި. 1.6 މިލިއަނަށްވުރެ ގިނަ ގަސް އިންދިފައިވެއެވެ. މި ހިނގާ 2026 ވަނަ އަހަރުގެ އަމާޒަކަށް ވެފައިވަނީ އިތުރު 1 މިލިއަން ގަސް އިންދުމެވެ. ދެމެހެއްޓެނެވި ގޮތެއްގައި ގަސްއިންދުމުގެ މަސައްކަތް ކުރުމަށް އުމްރާނީ ވަސީލަތް ތަރައްޤީ ކުރުމަށް ޚާއްސަ ސަމާލުކަމެއް މި މަޝްރޫޢުގެ ދަށުން ދެވިގެންދާނެއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިފްތިތާޙް ކުރައްވާފައިވާ ފަސް މިލިއަން ގަސް އިންދުމުގެ މަޝްރޫއުގެ ދަށުން، ރާއްޖޭގެ އެކި ކަންކޮޅުތަކުގައި ނާސަރީ ގާއިމުކުރުމަށް ބޭނުންވާ ގްރާންޓް އެހީގެ ކައުންސިލުތަކަށް ދިނުމުގެ އެއްބަސްވުމުގައި މިއަދު ވަނީ ސޮއިކޮށްފައެވެ.

މިގޮތުން، ރާއްޖޭގެ އެކި ކަންކޮޅުތަކުގައި ނާސަރީތައް ތަރައްޤީކުރުމަށް ރައޫސުލްޖުމްހޫރިއްޔާ ޚާއްސަ އިސްކަމެއްދެއްވައި، މިމަސައްކަތުގެ ފުރަތަމަ ބުރުގައި 10 ރަށާއި އެކީ ވަނީ ސޮއިކުރެވިފައެވެ.

މި މަޝްރޫއުގެ ފުރަތަމަ ބުރުގައި ހިމެނޭ 10 ރަށަކީ:

ހއ. ކެލާ

ށ. މިލަންދޫ

ނ. ކެނދިކުޅުދޫ

ރ. އިންނަމާދޫ

ބ. މާޅޮސް

އއ. މަތިވެރި

މ. މުލައް

ތ. ކިނބިދޫ

ގއ. ދާންދޫ

ގދ. ތިނަދޫ ސިޓީ