6 ވަނަ މޯލްޑިވްސް މެރިން ސައިންސް ސިމްޕޯޒިއަމްގައި މިނިސްޓްރީގެ ފަރާތުން މުހިންމު ދިރާސާތަކެއް ހުށަހަޅައިފި

6 ވަނަ މޯލްޑިވްސް މެރިން ސައިންސް ސިމްޕޯޒިއަމްގައި މިނިސްޓްރީގެ ފަރާތުން ބައިވެރިވެ، ތިމާވެށި ހިމާޔަތްކުރުމަށް ކުރެވެމުންދާ މުހިންމު މަސައްކަތްތަކުގެ މަޢުލޫމާތު ހިއްސާކޮށްފިއެވެ. ކަނޑުގެ ސައިންސާއި، އުނގެނުމާއި، އަދި ގުޅިގެން މަސައްކަތްކުރުމަށް ބޭއްވުނު މި ސިމްޕޯޒިއަމްގައި މިނިސްޓްރީގެ އިސް ބޭފުޅުން ވަނީ ކަރުދާސްތައް ހުށަހަޅުއްވާފައެވެ.

މި ސިމްޕޯޒިއަމްގައި، ޑިރެކްޓަރ އޮފް ޕްރޮޓެކްޓެޑް އޭރިއާސް، މުޙުސިނާ ޢަބްދުއްރަޙްމާން ވަނީ "ކުންމިންގ-މޮންޓްރިއާލް ގްލޯބަލް ބަޔޯޑައިވާސިޓީ ފްރޭމްވޯކް" ގެ 3 ވަނަ އަމާޒަށް ދިއުމަށްޓަކައި އެކުލަވާލާފައިވާ "މޯލްޑިވްސް 30x30 ރޯޑްމެޕް" ހުށަހަޅުއްވާފައެވެ. މީގެ އިތުރުން، ޕްރޮޓެކްޓެޑް އޭރިއާސް މެނޭޖްމަންޓް އެނަލިސްޓް، ޢާއިޝަތު އާމާލް ވަނީ ހަނިފަރު އެމްޕީއޭ، ސައުތު އަރި އެމްޕީއޭ (ސަމްޕާ) އަދި ފަރިކެޑެ އެމްޕީއޭގެ މެނޭޖްމަންޓް އިފެކްޓިވްނެސް އެސެސްމަންޓްތަކުގެ އަޅާކިޔާ ދިރާސާއެއްގެ ނަތީޖާ ހިއްސާކުރައްވާފައެވެ.

މިފަދަ ސިމްޕޯޒިއަމްތަކަކީ ސައިންޓިފިކް ހޯދުންތަކާއި އަމަލީ މަސައްކަތްތައް ގުޅުވައިދީ، ރާއްޖޭގެ ކަނޑުގެ މާޙައުލު އަންނަން އޮތް ޖީލުތަކަށް ރައްކާތެރިކުރުމަށް ކުރެވޭ މަސައްކަތްތައް އިތުރަށް ހަރުދަނާކުރުމަށް ލިބޭ މުހިންމު ފުރުޞަތެކެވެ.